സോഷ്യൽ പോലീസിംഗ് ഡിവിഷൻ, പാലക്കാട് ജില്ലയുടെ ആഭിമുഖ്യത്തിൽ നടപ്പിലാക്കുന്ന ഹോപ്പ് (IIOPE) പ്രൊജക്ടിൻറെ 2025-2026 വർഷത്തെ പ്രതീക്ഷോത്സവം' ഉദ്ഘാടനം ചെയ്‌തു. 2025 സെപ്റ്റംബർ 29-ന് പാലക്കാട് ഡി.പി.ഒ. അനക്‌സിൽ വച്ച് നടന്ന ചടങ്ങ് ബഹു. ജില്ലാ പോലീസ് മേധാവി ശ്രീ. അജിത് കുമാർ IPS. അവർകൾ ഉദ്ഘാടനം ചെയ്തു. അഡിഷണൽ സൂപ്രണ്ട് ഓഫ് പോലീസ്. സോഷ്യൽ പോലീസിംഗ് ഡിവിഷൻ ജില്ലാ നോഡൽ ഓഫീസർ ശ്രീ. ഷംസുദീൻ. എസ് ചടങ്ങിൽ അധ്യക്ഷത വഹിച്ചു. ജില്ലാ ഹോപ്പ് കോഡിനേറ്റർ ASI. ശ്രീ. ആറുമുഖൻ. വി സ്വാഗതം ആശംസിച്ചു. തുടർന്ന്. പ്രശസ്തത അധ്യാപികയും മോട്ടിവേഷണൽ സ്‌പീക്കറുമായ ശ്രീമതി. രമാദേവി വിദ്യാർത്ഥികൾക്കായി പ്രചോദന ക്ലാസ് (മോട്ടിവേഷൻ ക്ലാസ്) നയിച്ചു കഴിഞ്ഞ വർഷം ഹോപ്പ് പദ്ധതിയിലൂടെ മികച്ച വിജയം കൈവരിച്ച വിദ്യാർത്ഥികളെ ചടങ്ങിൽ അനുമോദിച്ചു. ഈ വർഷത്തെ ഹോപ്പ് പ്രൊജക്ട്‌ടിലെ പുതിയ വിദ്യാർത്ഥികളെ ചടങ്ങിൽ ഔദ്യോഗികമായി സ്വാഗതം ചെയ്തു. ക്യാമ്പ് കോഡിനേറ്റർ SI. ശ്രീ. സുധീർ വി. SPC ADNO ASI ശ്രീ. നന്ദകുമാർ, ഡി.സി.ആർ.സി. കൗൺസിലർ ശ്രീമതി. പ്രിയങ്ക എന്നിവർ ആശംസകൾ അർപ്പിച്ചു സംസാരിച്ചു. മുൻ ജില്ലാ ഹോപ്പ് കോഡിനേറ്റർ SCPO ശ്രീ. ബിനോയ് കെ. എം. നന്ദി രേഖപ്പെടുത്തി. കേരളാ പോലീസിൻറെ സോഷ്യൽ പൊലീസിങ് ഡിവിഷൻ കൈകാര്യം ചെയുന്ന അഭിമാന പദ്ധതികളിൽ ഒന്നാണ് ഹോപ്പ് . പഠനം പാതി വഴി ഉപേക്ഷിച്ചു പോയ കുട്ടികളെയും തോറ്റു പോയ കുട്ടികളെയും വീണ്ടും പഠനത്തിൻറെ രംഗത്തേക്ക് കൊണ്ട് വരുക എന്ന ഒരു മഹത് ലക്ഷ്യമാണ് ഈ പദ്ധതി കൊണ്ട് അർത്ഥമാക്കുന്നത് .