ഓൺലൈൻ തട്ടിപ്പു പ്രതിയെ അറസ്റ്റ് ചെയ്യ്ത് പാലക്കാട് സൈബർ പോലീസ്

വീട്ടിലിരുന്ന് ഓൺലൈൻ ഷെയർ ട്രേഡിംഗ് ചെയ്ത് പണമുണ്ടാക്കാമെന്നു പറഞ്ഞു വിശ്വസിപ്പിച്ച് ആയതിലേക്ക് പണം Deposit ചെയ്യിച്ച് പാലക്കാട് അലനല്ലൂർ സ്വദേശിയിൽ നിന്നും 29,00,000/- (ഇരുപത്തിയൊൻപത് ലക്ഷം രൂപ) ഓൺലൈൻ വഴി കബളിപ്പിച്ച് തട്ടിയെടുത്തു പാലക്കാട് : വീട്ടിലിരുന്ന് ഓൺലൈൻ ഷെയർ ട്രേഡിംഗ് ചെയ്ത് പണമുണ്ടാക്കാമെന്നു പറഞ്ഞു വിശ്വസിപ്പിച്ച് അലനല്ലൂർ സ്വദേശിയെ ടെലഗ്രാം വഴി ബന്ധപ്പെട്ട് ട്രേഡിംഗ് ചെയ്ത് വലിയ വരുമാനമുണ്ടാക്കാമെന്നു പറഞ്ഞ് തെറ്റിദ്ധരിപ്പിച്ച് ആയതിലേക്കുള്ള നിക്ഷേപമായി 29,00,00/- (ഇരുപത്തിയൊൻപത് ലക്ഷം രൂപ) Deposit ചെയ്യിച്ച് തട്ടിയെടുത്ത കേസ്സിൽ മലപ്പുറം പെരിന്തൽമണ്ണ, താഴേക്കോട് പൂവത്താണി സ്വദേശിയായ മുഹമ്മദ് അജ്മൽ വയസ്സ്.25 എന്നയാളെ പാലക്കാട് സൈബർ പോലീസ് അറസ്റ്റ് ചെയ്തു. 2024 ഒക്ടോബർ മാസത്തിലാണ് തട്ടിപ്പുകാർ ഇരയെ ഫെയ്സ്ബുക്ക് വഴി ബന്ധപ്പെട്ട് പിന്നീട് ടെലഗ്രാം വഴി നിരന്തരം ആശയവിനിമയം നടത്തി ഇത്തരത്തിൽ വീട്ടിലിരുന്ന് ഓൺലൈൻ ഷെയർ ട്രേഡിംഗ് ചെയ്ത് വലിയ വരുമാനമുണ്ടാക്കാമെന്ന് വാഗ്ദാനം ചെയ്തത്. തുടർന്ന് ചെറിയ തുകകൾ നിക്ഷേപിച്ച് ഇരയ്ക്ക് ലാഭം നൽകുകയും പിന്നീട് ഭീമമായ തുക ഡെപ്പോസിറ്റ് ചെയ്യിച്ച് മുഴുവൻ തകയും തട്ടിയെടുക്കുകയാണ് ഉണ്ടായത്. ഈ കാര്യത്തിന് പാലക്കാട് സൈബർ ക്രൈം പോലീസ് സ്റ്റേഷനിൽ കേസ്സ് രജിസ്റ്റർ ചെയ്ത് അന്വേഷണം നടത്തി വരവെ ഇരയ്ക്ക് നഷ്ടപ്പെട്ട തുകയിൽ നിന്നും ഒരു വലിയ സംഖ്യ പ്രതിയുടെ കോഴിക്കോട് കൊയിലാണ്ടിലുള്ള ബാങ്കിലേക്ക് ട്രാൻസ്ഫർ ചെയ്തതായി കാണപ്പെടുകയും ഈ തുക ട്രാൻസ്ഫർ ചെയ്ത ഉടൻ തന്നെ പ്രതി പണം മറ്റു ബാങ്കുകളിലേക്ക് ട്രാൻസ്ഫർ ചെയ്തുതായി കണ്ടെത്തുകയും ചെയ്തിരുന്നു. തുടർന്ന് നടത്തിയ അന്വേഷണത്തിലാണ് പ്രതി പാലക്കാട് സൈബർ ക്രൈം പോലീസിൻെറ പിടിയിലായത്. ഇത്തരത്തിൽ തട്ടിപ്പു നടത്തുന്നവർക്കു വേണ്ടി, മലപ്പുറം സ്വദേശിയായ പ്രതി കോഴിക്കോട് ജില്ലയിൽ പ്രത്യേകം ബാങ്ക് അക്കക്ഖണ്ട് തുടങ്ങിയാണ് സൈബർ തട്ടിപ്പു നടത്തിയ പണം തൻെറ അക്കക്ഖണ്ടിലേക്ക് സ്വീകരിച്ചിട്ടുള്ളത്. പാലക്കാട് ജില്ലാ പോലീസ് മേധാവി ശ്രീ. അജിത് കുമാർ IPS അവർകളുടെ നിർദ്ദേശപ്രകാരം DySP, DCRB Prasad.M അവർകളുടെ മേൽനോട്ടത്തിൽ സൈബർ ക്രൈം പോലീസ് സ്റ്റേഷൻ ഇൻസ്പെക്ടർ ശശികുമാർ.ടി, സബ്ബ് ഇൻസ്പെക്ടർ റനീഷ് വി.ആർ, അസ്സിസ്റ്റൻറ് സബ്ബ് ഇൻസ്പെക്ടർ മനേഷ്.എം, സിവിൽ പോലീസ് ഓഫീസർമാരായ, വിനോദ് ഇ.കെ, പ്രേംകുമാർ.കെ.വി, പദ്മാനന്ദ്.ആർ, മുഹമ്മദ് ഫാസിൽ, ശരണ്യ പി.കെ എന്നിവരുൾപ്പെട്ട സംഘമാണ് കേസ്സന്വേഷണം നടത്തിയത്. ഈ കേസ്സിൽ ഇതിനു മുൻപ് മറ്റ് 4 പ്രതികളെ കൂടി അറസ്റ്റ് ചെയ്തിരുന്നു. ഈ കേസ്സിലേക്ക് തുടർന്നും മറ്റു പ്രതികളേക്കുറിച്ചുള്ള അന്വേഷണം നടത്തി വരുന്നുണ്ട്. ഇത്തരത്തിലുള്ള തട്ടിപ്പ് നടന്നാലോ, തട്ടിപ്പിനായുള്ള ശ്രമം നടത്തുന്നതായി ശ്രദ്ധയിൽ പെട്ടാലോ ഉടൻ തന്നെ National Cyber Crime Reporting Portal ടോൾ ഫ്രീ നമ്പറായ “1930” എന്ന നമ്പറിലേക്കോ അടുത്തുള്ള പോലീസ് സ്റ്റേഷനിലോ, ജില്ലാ സൈബർ ക്രൈം പോലീസ് സ്റ്റേഷനിലോ, വിളിച്ച് അറിയിക്കേണ്ടതാണ്.